NA ABDI SULEIMAN.
TIMU ya Vijana Wilaya ya Chake Chake Mapinduzi CUP, imekabidhiwa vifaa mbali mbali vya michezo pamoja na vyakula kwa ajili ya kambi ikiwa ni maandalizi ya safari ya kwenda Unguja Wikii.
Vifaa hivyo walivyokabidhiwa ni mchele, mafuta ya kupikia, sukari, maharage, Trak Suti na jezi kutoka kwa viongozi wa wilaya hiyo.
Akikabidhi vifaa hivyo Mkuu wa Wilaya ya Chake Chake Abdalla Rashid Ali, aliwataka wanamichezo hao kuendeleza nidhamu walionayo wakati wote wa mashindano hayo.
Alisema nidhamu ni moja ya ushindi kwani zipo timu zinapatiwa zawadi kuwa timu bora yenye nidhamu, huku akiwataka kuhakikisha wanarudi na ubingwa wa mashindano hayo.
”Michezo sio burudani tu kwa sasa bali michezo ni ajira pia kwa wachezaji, vizuri kuongeza nguvu na juhudi ili kufikia malengo ya vijana hawa”alisema.
Aliyekuwa afisa mdhamini Wizara ya Vijana Utamaduni Sanaa na Michezo Pemba, Fatma Hamad Rajab aliwasihi vijana hao kwenda Unguja na wazo moja tu la kuhakikisha wanacheza kwa bidii na kurudi na ushindi, katika mashindano hayo ya Vijana Mapinduzi Cup.
Aidha aliwataka kuutumia uwanja wa Michezo wa Michezo Gombani, kufanya mazoezi kwa bidii pamoaja na kuziba mapungufu walionayo kwa sasa.
Katibu Tawla walaya ya Chake Chake Omar Juma Ali, alisema lengo la Wizara ya Habari Vijana Utamaduni na Michezo ni Kuhakikisha wanaendeleza sekta ya michezo kupitia vipaji vya vijana.
Akitoa neon la shukurani Mwenyekiti wa Timu ya Vijana Mapinduzi Cup Wilaya ya Chake Chake, Kassim Juma Mussa alishukuru kwa kupatiwa msaada huo wa Chakula, pamoja na vifaa vya michezo kwa kusema kuwa maada huo umefika wakati muafaka kwao, huku akiahidi kuutumia kwa lengo lililokusudiwa.
Timu ya Vijana Wilaya ya Chake Chake Mapinduzi Cup, imeshika nafasi ya kwanza kwa upande wa Pemba baada kushinda kwa kisshindo katika michezo yake, ambapo mchezo wa kwanza iliibuka na udhindi wa bao 6-2 dhidi ya Micheweni, mchezo wapilia ikashinda bao 3-0 dhidi ya Mkoani na mchezo wa tatu ikashinda bao 2-0 dhidi ya Wete.