NA ABDI SULEIMAN.
MAWAKALA wawili kati ya 4000 Kisiwani Pemba, wameiibuka washindi wa shilingi Milioni Moja (1,000,000/), kwa kila mmoja kutoka kampuni ya simu za mkononi za Tigo Zantel.
Washindi waliokabidhiwa fedha hizo ni Fahad M.Juma kutoka Kusini na Mbraouk R.Ali kutoka Kaskazini Pemba, hafla iliyofanyika mjini chake chake.
Wakizungumza na mwandishi wa habari washindi hao, waliwataka mawakala wenzao kuacha tamaa wakati wanapofanya biasahara hiyo, ili kuweza kuwafikia watu wengi kwa wakati mmoja.
Mmoja ya wakala Fahad M.Juma kutoka Mkoa wa KusiniPemba, alisema moja ya sababu iliyopelekea kushinda zawadi hiyo, ni kuwa na mtaji wakutosha, kua na wateja wengi na wa uhakika, pamoja na nidhamu wakati wautoaji wa huduma.
Aidha alisema atahakikisha mwakani anashiriki kikamilifu katika tunzo hiyo, kwani uwezo huo anao kutokana na utoaji bora wa huduma .
“Mawakala lazima ujali kwanza kazi yako, hii ni kazi kama zilivyokazi nyengine, fungua mapema duka toa huduma vizuri,”alisema.
Nae wakala Mbarouk R.Ali kutoka Mkoa wa Kaskazini Pemba, alisema moja ya mafanikio yake ni kufika kazini kwake mapema kabla ya watoa huduma wengine hawajafungua maduka na kutoa huduma.
Aidha aliwashauri mawakala wenzake kuwa na tabia njema, pamoja na ufanyaji wa mahesabu vizuri asubuhi na jioni, kwani bila ya hesabu kazi haitoleta faida.
“Moja ya Changamoto ambayo sitoweza kuisahau ni pale alipokuja mteja akasema ametoa fedha laki nane, lakini kuja kuangalia salio na simu fedha imekata na haikutolewa,”alisema.
Hata hivyo aliwashauri mawakala wenzake kuwa makini wanapokua katika maduka yake, kwani dunia imebadilika kwa kiasi kikubwa na uwaminifu umekua mdogo.
Mapema ameneja mauzo Tigo Zantel kanda ya Pemba Farouk Ahmed, alisema waliweka promoshani kwa ajili ya mawakala wote wa mauzo na wasambazaji Pemba, na kuwapatia vigezo na atakaekamilisha atakua mshindi na kupatiwa zawadi.
Hata hivyo aliwataka mawakala Kisiwani Pemba kuhakikisha wanazitumia fursa zinazokuja na zinazotolea na kampuni hiyo, ili kuweza kufaidika na zawadi mbali mbali zinazotolewa.
“Leo ni siku muhimu kwa mawakala wetu ambao ndio washindi wa wishi Promoshani, hapa tutawakabidhi zawadi zao ambazo zitaweza kuwasaidia kimaisha,”alisema.
Hata hivyo alisema kampuni ya Tigo Zantel imeboresha mifumo yake ya mawasiliano, hususan kwenye huduma za Internet kutoka 3G kwenda 4G kwa minara yote, na kwa wakaazi wa Chake Chake mjini wanapata huduma ya 5G.
Akimkaribisha meneja wa mauzo wa Pemba, Meneja wa Mauzo Mkoa wa Kaskazini Pemba Said Massoud Ali, alisema katika Wishi Promoshani walipata mawakala wawili ambao wameibuka washindi, hivyo kila mmoja ataweza kukabidhiwa shilingi Milioni 1,000,000/.
MWISHO