VIDEO: Kambi maalum za matibabu ya macho yamaliza kambi yake kwa kuwafanyia upasuaji wagonjwa wa mtoto wa jicho zaidi ya 100

KHADIJA KOMBO-PEMBA

Zaidi ya wagonjwa  mia moja (100)  wakiwemo  wanaume 54 na wanawake 47 wanaosumbuliwa na  magonjwa ya mtoto wa jicho wamefanyiwa  upasuaji katika kambi maalum za matibabu ya macho  huko Hospitali ya Wete na Abdalla mzee Mkoani Kisiwani Pemba.

Akizungumza na wagonjwa hao mara baada ya kufanyiwa upasuaji Daktari bingwa wa magonjwa hayo Dr. Njau Sekondri amesema miongoni mwa njia za kuepuka magonjwa  hayo ni kuzingatia mlo kamili ili kujenga afya  ili kuepuka maradhi nyemelezi.

Kw upande wake Mratibu wa huduma za macho Zanzibar Dr. Fatma Juma Omar  amewataka wagonjwa hao  kuepuka kufanya kazi ngumu katika kipindi hiki cha matibabu  huku wakipata muda mwingi wa mapumziko ili kuepuka madhara yanayoweza kutokea.

Nao wananchi hao wameishukuru Serikali ya Mapinduzi ya Zanzibar kwa kushiorikiana na wafadhili mbali mbali na kuweza kuwapatia matibabu hayo bila ya gharama yoyote.

KUANGALIA VIDEO YA HABARI HII BOFYA HAPO CHINI