NAIBU WAZIRI MHE. MWINJUMA AKABIDHI KOMBE LA SHIRIKISHO LA AZAM SPORTS KWA NAHODHA WA TIMU YA YANGA

Naibu Waziri wa Utamaduni, Sanaa na Michezo Mhe. Hamis Mwinjuma (kulia) akimkabidhi Nahodha wa timu ya Yanga Bakari Mwamnyeto (kushoto) Kombe la Shirikisho la Azam Sports Juni 12, 2023 katika Uwanja wa Mkwakwani jijini Tanga mara baada ya kuifunga timu ya Azam kwa kwa 1-0. Wa kwanza kulia ni Katibu Mkuu Wizara ya Utamaduni, Sanaa na Michezo Bw. Saidi Yakubu.

Wachezaji wa timu ya Yanga wakishangilia mara baada ya kukabidhiwa Kombe la Shirikisho la Azam Sports Juni 12, 2023 katika Uwanja wa Mkwakwani jijini Tanga kwa kuifunga timu ya Azam kwa kwa 1-0.

Na Eleuteri Mangi, WUSM, Tanga

Naibu Waziri wa Utamaduni, Sanaa na Michezo Mhe. Hamis Mwinjuma ameikabidhi Klabu ya Yanga Kombe la Shirikisho la Azam Sports mara baada ya kuifunga timu ya Azam kwa kwa 1-0.

Finali hiyo imeikutanisha miamba hiyo ya soka nchini kutoka jijini Dar es Salaam Juni 12, 2023 katika Uwanja wa Mkwakwani jijini Tanga katika fainali ya Kombe la Shirikisho la Azam Sports.

Mchezo huo ulikuwa mzuri wa kuwavutia watazamaji kwa kandanda safi huku timu hizo zikioneshana nguvu na kufanya mchezo huo kuwa wa kuvutia watazamaji waliofurika katika uwanja wa Mkwakwani wakati wote wa mchezo.

Aidha, fainali hizo zilihudhuriwa na viongozi mbalimbali akiwemo Mkuu wa Mkoa wa Tanga Mhe. Waziri Kindamba, Katibu Mkuu Wizara ya Utamaduni, Sanaa na Michezo Bw. Saidi Yakubu, Rais wa Shirikisho la Mpira wa Miguu nchini (TFF) Wales Karia pamoja na vingozi wengine wa mkoa huo na wananchi kutoka maeneo mbalimbali nchini.